قلم/kalam/jk urdu 7th,urdu 7th

قلم

قلم

قلم کیوں چل رہا ہے پیچ وخم سے

یہ جاکر پوچھے اہلِ قلم سے

عجائب اس کی سب گُلکاریاں ہیں

تعجب خیز گوہر باریاں ہیں

کہیں یہ بادشاہ ہاتھ بن کر

ہوا ہے عدل پرور یا ستم گر

ملا گر شاعرشیریں بیان کو 

تو حیراں کر دیا اہل جہان کو

مصؔور کے جویہ ہاتھوں میں پہنچا

تو کھینچا حسن کا انمول نقشا

کسی کو زندگ واپس دلائے

کسی کو زندگی واپس دلائے

تومشکل میں کسی کے کام آئے

کسی کی آن میں قسمت پلٹ دے

کسی بدبخت کو تختہ الٹ دے

جہاں میں ہے یہ کیا کیا گُل کِھلاتا

ہزاروں اپنے جو ہر ہے دِکھاتا

نشاطؔ کشتواڑی

1۔۔۔فرہنگ

لفظ۔۔۔۔۔۔۔معنی

پیچ وخم۔۔۔ٹیڑمیڑھا،موڑ

عجائب۔۔۔عجیب کی جمع۔حیران کرنے والا۔والی

گُلکاریاں۔۔۔پھول بنانا، پھول کاڑھنا

تعجب۔۔۔حیران کرنے والا

گوہربار۔۔۔موتی برسانے والا

عدل پرور۔۔۔انصاف کی پرورش کرنے والا ، مُنصف

مصّور:تصویر بنانے والا

انمول : جس کی کوئی قیمت نہ ہو یعنی بہت قیمتی

بدبخت: بدنصیب

جوہر: خوبی،خصوصیت ،کمال ،لیاقت

عالم :علم رکھنے والا، جاننے والا

اہل قلم: ادیب،لکھنے والا

آن میں: فوراََ

گل کھلانا:انوکھا کام کرنا

جوہردکھانا: کمال دکھان

تختہ الٹنا:حکومت سے ہٹانا،سلطنت

2۔۔۔۔۔سوالات:

1۔۔نظم میں قلم کی کون سی صفتیں بیان کی گئی ہیں؟

جواب :شاعر نے نظم میں قلم کی کئی صفتیں بیان کی ہیں جیسے

1. بادشاہ کے عدل وانصاف کےاحکامات اسی سےجاری ہوتےہیں
2. شاعر کے شاعری اسی سے جنم لیتی ہے
3. مصّور کی خوبصورت تصویریں اسی سے بنتی ہیں
4. اسی سے کسی انسان کی زندگی میں دُکھ وسُکھ کاسامان پہنچتا ہے وغیرہ

2۔۔۔عالم قلم سےکیا کام لیتا ہے؟

جواب:عالم قلم سےبیت عمدہ کام لیتا ہے جیسے بُرےکاموں سے رکنے ار اچھے کاموں کو کرنے کی نصیحت آموز باتیں لکھتا ہے 

3۔۔قلم کس کے ہاتھ میں پہنچ کرحسن کا انمول نقشا کھینچتا ہے؟

جواب:قلم مصورکے کے ہاتھ میں پہنچ کرحُسن کا انمول نقشا کھینچتا ہے 

4۔۔یہ نظم کس شاعر کی ہے؟

جواب؛ یہ نظم نشاطؔ کشتواڑی کی ہے

3۔۔۔خالی جگہوں کو ان لفظوں سے پُر کیجئے جو نظم میں استعمال ہوئے ہیں

1. عجائب اس کی سب گلکاریاں ہیں(مکاریاں،گلکاریاں)
2. توحیران کردیااہلِ جہاں کو(اہلِ جہاں،اہل بیاں)
3. کسی کی زندگی واپس دلائے(بندگی ، زندگی)
4. کسی کی آن میں قسمت پلٹ دے(حکمت، قسمت)
5. ہزاروں اپنے جوہرہے دکھاتا(جوہر،گوہر)

4۔۔۔۔یاد کیجیے

1۔۔اس نظم کو زبانی یاد کیجیے

5۔۔۔ذیل کے الفاظ کو اپنے جملوں میں استعمال کیجیے

علم۔۔۔۔۔۔۔۔۔۔۔۔۔۔۔۔۔

عدل۔۔۔۔۔۔۔۔۔۔۔۔۔۔۔

مصؔور۔۔۔۔۔۔۔۔۔۔۔

نقشہ۔۔۔۔۔۔۔۔۔۔۔۔۔

جوہر۔۔۔۔۔۔۔۔۔۔۔

جواب:

علم۔۔۔۔۔۔۔۔۔علم حاصل کرنا ہر مرد وعورت پر فرض ہے

عدل۔۔۔۔۔۔۔عدل سے ہی یہ دنیا چلتی ہے

مصؔور۔۔۔۔خورشید ایک مصوّر ہے

نقشہ۔۔۔۔۔میں نے ہندوستان کا نقشہ غور سےدیکھا

جوہر۔۔۔۔فنِ مصوری میں عادل نےاپنے جوہردکھائے ہیں

6۔۔۔سمجھیے اور لکھیے

مثال :علم جاننے والے کو عالم کہتے ہیں

اب نیچے درج الفاظ کوچُن کر نامکمل جملوں کو مکمل کیجیے

1. ۔۔عدل کرنے والےکرنے والے کو۔۔۔
2. شعر کہنے والےکو۔۔۔۔۔
3. تصویر بنانے والےکو۔۔۔۔۔
4. ظلم کرنے والے کو۔۔۔۔
5. انصاف کرنےوالے کو۔۔۔۔
6. عبادت کرنے والے کو۔۔۔
7. تجارت کرنےوالےکو۔۔۔۔
8. علاج کرنے والےکو۔۔۔
9. تصنیف کرنے والے کو۔۔۔۔

شاعر،ظالم،عابد،معالج،عادل، مصور،منصف،تاجر، مصنف

جواب:

1. ۔عدل کرنے والےکرنے والے کو۔۔۔ عادل کہتےہیں
2. شعر کہنے والےکو۔۔۔۔۔شاعر کہتےہیں
3. تصویر بنانے والےکو۔۔۔۔۔مصور کہتےہیں
4. ظلم کرنے والے کو۔۔۔۔ظالم کہتےہیں
5. انصاف کرنےوالے کو۔۔۔۔منصف کہتے ہیں
6. عبادت کرنے والے کو۔۔۔عابد کہتےہیں
7. تجارت کرنےوالےکو۔۔۔۔تاجر کہتے ہیں
8. علاج کرنے والےکو۔۔۔معالج،طبیب یا ڈاکٹر کہتےہیں
9. تصنیف کرنے والے کو۔۔۔۔مصنف کہتےہیں