NAAT,نعت ماہرالقادری،7TH URDU,JK URDU 7TH

نعت ماہرالقادری

سلام اُس پر کہ جس نےبیکسوں کی دستگیری کی

سلام اُس پر کہ جس نے بادشاہی میں فقیری کی

سلام اُس پر کہ اسرار محبت جس نے سمجھائے

سلام اُس پر کہ جس نے زخم کھا کر پھول برسائے

سلام اُس پر کہ جس نے بھوکے پیاسوں کو قبائیں دیں

سلام اُس پر کہ جس نے گالیاں کھا کر دعائیں دیں

سلام اُس پر کہ دشمن کو حیاتِ جاوِدان دے دی

سلام اُس پر ابوسفیان کو بھی جس نے اماں دے دی

سلام اُس پر کہ جس کے گھر میں گھر چاندی تھی نہ سونا تھا

سلام اُس پر کہ ٹوٹا بوریا جس کا بچھونا تھا

سلام اُس پرکہ جوٹوٹے ہوئے حُجر ے میں رہتا تھا

سلام اُس پر کہ جو ہر وقت سچی بات کہتا تھا

سلام اُس پرکی جس کی سادگی درسِ بصیرت ہے

سلام اُس پر کہ جس کی ذات فخرِ آدمیت ہے

سلام اُس پر کہ جس نے جھولیاں بھردیں فقیروں کی

سلام اُس پ کی مشکیں کھول دیں جس نے اسیروں کی

سلام اُس پرجو شچائی کی خاطر دُکھ اٹھاتا تھا

سلام اُس پر جوبھوکا رہ کے اوروں کو کھلاتا تھا

سلام اُس ذاتِ اطہر پر جو والی تھی یتیموں کی

سلام اُس روحِ انورپر جوحامی تھی غریبوں کی

سلام اُس پر کہ جس نے فضل کےموتی بکھیرے ہیں

سلام اُس پر بُروں کو جس نے فرمایا کہ میرے ہیں

ماہر القادری

1۔۔فرہنگ

لفظ۔۔۔۔۔۔۔معنی

بیکس۔۔۔۔بے یارومددگار،محتاج

دستگیری۔۔۔مدد،حمایت

اسرار۔۔۔سر کی جمع،بھید، راز

قبائیں۔۔۔قبا کی جمع، ایک قسم کا لباس

حیاتِ جاوداں۔۔۔ہمیشہ کی زندگی

ابوسُفیان۔۔۔حضورﷺ کے بہت بڑے دُشمن جو بعد میں ایمان لے آئے

حُجرہ۔۔۔کوٹھڑی،خلوت خانہ

درسِ بصیرت۔۔دانائی کا سبق

فخرِ آدمیت۔۔۔انسانیت کی شان

مشکیں کھولنا۔۔۔آزاد کرنا، باندھے ہوئے ہاتھ کھولنا

اسیر۔۔۔قیدی 

ذاتِ اطہر۔۔۔پاک ذات

روحِ انور۔۔۔نورانی روح، حضور ﷺ کے لیے کہاگیا ہے

حامی۔۔۔مدد گار،حمایتی

فضل۔۔۔نیکی ، مہربانی، بخشش

2۔۔۔سوالات

1۔۔نعت کسے کہتے ہیں؟

جواب: حضرتِ رسول اکرم ﷺ کی شان میں جو نظم لکھی جائے اُسے نعت کہتے ہیں

2۔۔حضورﷺکوفخرِ آدمیت کیوں کہا گیا ہے؟

جواب:اللہ تعالٰی جو بھی انسان پیداکیے ہیں یا کرے گا اُن میں آپﷺ  جیسانہ کوئی تھا نہ ہے نہ ہی پیدا ہوجائے گا آپ ﷺ کی ذاتِ مبارک تمام صفاتِ حمیدہ سے مدون تھی اسی لیے آپ ﷺ کو فخرِ آدمیت کہاجاتا ہے 

3۔۔اس نظم میں حضورﷺ کی جو صفات بیان کی گئی ہیں اُن میں سے کوئی پانچ اپنے الفاظ میں لکھیے

جواب:

1. آپ ﷺ نے بے کسوں کی دستگیری کی
2. آپ ﷺ فخرِ آدمیت ہیں
3. آپ ﷺصادق ہیں
4. آپ ہر وقت سچ بولتے تھے
5. آپ ﷺ غریبوں کے حامی تھے

4۔۔نظم کے آخری مصرعے کا مطلب اپنے الفاظ میں لکھیے

جواب: ماہرالقادری اس آخری مصرعے میں فرماتے ہیں کہ نبی اکرمﷺ کی ذاتِ مبارک پر  ہزاروں سلام ہو کہ جس نے بُروں لوگوں کو بھی فرمایا کہ یہ ہمارے لوگ ہیں ہم اِن کے ہیں

3۔۔۔خالی جگہوں کو اُن لفظوں سے پُر کیجیے جو نظم میں استعمال ہوئے ہیں

1. سلام اُس پر جو ٹوٹے ہوئے حُجرےمیں رہتا تھا
2. سلام اُس پر کہ جس نے فضل کےموتی بکھیرے ہیں
3. سلام اس پر کہ دُشمن کوحیاتِ جاوِدان دے دی
4. سلام اُس پر جوسچائی کی خاطر دُکھ اُٹھاتا تھا
5. سلام اُس پر جس نے  بیکسوں کی دستگیری کی

4۔۔۔۔یاد کیجیے

اس نظم کو زبانی یاد کیجیے